Алматыда педофилдер бандасы пайда болды деген ақпаратқа қатысты түсініктеме берілді

Алматы мектептерінің бірінде ата-аналарға хабарландыру ілінген. Онда қалада педофилдер бандасы пайда болды делінген.

Хабарландыруда педофил делінген адамдардың суреттері мен мәтін бар.

“Ескерту!!! Балаларыңызды, іні-қарындастарыңызды көрші үйдің балаларын ескертіңіздер! Бүгінде педофилдердің жаңа бандасы пайда болды делінген мәлімет бар. Олар ұсталмас үшін қаладан қалаларға көшіп жүреді! Былай әрекет етеді: аулаларда көлікпен баяу жүріп, терезеден қасақана күшік немесе мысықты түсіріп жібереді. Сөйтіп, олар қашып кеткен жануарды ұстап беруін балаларден сұрайды! Балаларыңызға ескертіңіздер! Ешқашан көмектеспесін, дереу 102-ге хабарлассын! Бұл хабарды достарыңыз бен таныстарыңызға таратыңыздар. Репост жасайық, достар, себебі бұл туралы барынша көп адам білсін (…)”, – делінген хабарландыруда.

Ал өз кезегінде Алматы қалалық ішкі істер департаменті бұл хабарландырудағы мәліметті тексеріп, Алматыда мұндай банданың жоқ екенін мәлімдеді.