Алматыдағы «Нұр Отан» партиясы ғимаратының алдына бір топ қарт кісілер жиналып, “әділетсіздікке, заңның орындалмайтынына” наразылық білдіріп, Қазақстан президенті атына жазылған үндеу хаттарын тапсырды.
Азаттық тілшісінің хабарлауынша, жиналған он шақты тұрғын Нұрсұлтан Назарбаевтың атына жолдаған үндеу хатқа саусақтарын тіліп, аққан қанмен қол қойды. Акцияға қатысушылардың бірі Есенғазы Қуандықов бұл әрекетті партияға сан мәрте жазылған хаттарға жауап болмаған соң мәжбүр болғандарын айтты.
«Нұр Отан» ғимаратының алдына жиналған наразы топтың үндеу хатын партияның Алматы филиалының қоғамдық қабылдау бөлімінің жетекшісі Алмажан Бекторазова қабылдап, он күн ішінде жауап беретіндерін айтты.
Copyright (c) 2013. RFE/RL, Inc. Reprinted with the permission of Radio Free Europe/Radio Liberty, 1201 Connecticut Ave., N.W. Washington DC 20036.