Алматыда дәрігерлер менингококк инфекциясының белең алу себептерін айтты
Алматыда Қоғамдық денсаулықты сақтау комитетінің сарапшылары менингококк инфекциясының белең алуының себептерін түсіндірді, деп хабарлайды ҚазАқпарат .
“Бүгінгі таңда Алматы қаласында менингококк инфекциясымен ауырғандар саны артқан. Оған қолайсыз ауа райы да себеп болып отыр.
Өйткені көктемнің ұзаққа созылуы ауру қоздырғыштың кең таралуына жағдай жасайды. Бұдан тыс, жылдың осы мезгілінде халықтың иммунитеті де
төмендейді, оның үстіне тұрғындар арасында менингококк инфекциясының қоздырғышы көбейіп жатыр», – делінген Комитеттің баспасөз қызметі редакцияның сауалына берген жауабында.
Аурудың тарау цикліне назар аударсақ, 2011 жылы 44 адам, 2012 жылы 23, 2013 жылы 49, 2014 жылы 36, 2015 жылы 66, 2016 жылы 16 адам осы дерттен
зардап шеккен. Комитет өкілдерінің айтуынша, 2013 және 2015 жылдағы секілді 2018 жылы да осы ауру белең алып тұр.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе