Алматыда аудан әкімінің бұрынғы орынбасары 3 жылға сотталды
Алматы қаласы Медеу аудандық №2 сотында Медеу ауданы әкімінің бұрынғы орынбасары Талғат Әбдіқалықовқа қатысты қылмыстық іс қаралып бітті.
Талғат Әбдіқалықов ҚР ҚК 366-бабының 2-бөліміндегі «пара алу» бойынша айыпталды.
«Соттың анықтауынша, Алматы қаласы Медеу ауданы әкімінің орынбасары болған кезде 2016 жылдың мамыр және маусым айларында бульварлардың құрамы, бөлінген жолақтар, жағалаулар мен демалыс орындарында жүргізілген жұмыстар барысында компанияның жалпы шығынын өтеу үшін «Алатау -АвтоСпецТехника» ЖШС басшылығынан 2,3 млн теңге алған», – деп айтылады хабарламада.
Естеріңізге сала кетейік, ағымдағы жылдың маусым айында Медеу ауданы әкімінің орынбасары Талғат Әбдіқалықов пара алды деген күдік болды.
«2016 жылдың сәуірінен маусым айлары аралығында өзі және өзге тұлғалардың пайдасы үшін Алматы қаласы бойынша қаржылық бақылау инспекциясы 9 лот бойынша конкурстың өтуіне кедергі келтірмес үшін жеке тұлғалардан пара алған», – деп хабарлады қалалық сотта. 2016 жылы 3 маусымда Әбдіқалықов жедел-іздестіру шаралары кезінде ұсталды.
Пара түрінде алынған 1,3 млн теңге көлемінде қаражат табылды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе