Алматыда алғаш рет тіл үйрететін тегін курс ашылды
Ашық аспан астындағы мектепте ағылшын, орыс және қазақ тілдері оқытылады.
Жоба Елбасының «Болашаққа бағдар: Рухани жаңғыру» атты мақаласындағы үш тілді меңгеру саясатын іске асыруға арналған деп хабарлады “Хабар-24” телеарнасы.
«Ниеттілердің қатары артса, оқытушылар санын көбейтеміз», – дейді ұйымдастырушылар.
«Тілдер паркі» мектебі жаз айларында ғана жұмыс істейді. Оқушыларға тамыз айының соңында арнайы сертификат беріледі. Айта кетейік, тегін тіл үйрету курсында жас шектеуі жоқ.
Ержан Жылқыбаев, Медеу ауданының әкімі:
– Қазақ тілі – мемлекеттік тіл, орыс тілі – ресми тіл және ағылшын тілін, яғни халықаралық тілді білуіміз керек. Жас болсын, орта жас болсын, үлкен ата-аналар болсын, оны біліп, меңгеру ешқашанда кеш емес. Сол себептен біз осы таза ауада, жазда балаларымыз компьютердің алдында отырмай, осы тілді меңгерсін, жетік меңгерсін деп шақырамыз.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе