Алматы полициясы жедел жәрдем жұргізушісін ұрған түрік азаматын елден кетуін талап етуде

9 қараша 2018, 13:04

Бұған дейін түрік азаматының Алматыда жедел жәрдем көлігінің жүргізушісін ұрып-соғып кеткені хабарланған еді. Бұл жайт қоғамда шуға айналып, кінәлі жігіт халықтан кешірім сұрады. Жәбірленуші тарап кешіріп беріп, бір мәмілеге келгендей еді.

Алматыда түріктен таяқ жеген жедел жәрдем жүргізушісі оқиғаның қалай болғанын айтып берді (видео)

Кейінірек айыпталушы кепілмен босатылды. Ал жақында Түркия азаматы Әли Демірдің жәбірленуші Николай Кучмаға материалдық өтемақы төлегені және олардың ортақ келісімге келгені белгілі болды.

Алайда Алматы полициясы Түркия азаматының Қазақстаннан кетуіне арыздануда. 2 қараша күні полицейлер атынан Әуезов аудандық сотына шағым түсірілді. Түрік азаматы Әли Демир заң бойынша әкімшілік жауапқа тартылған еді.