Алматы облысында жүк көлігі газ құбырына соғылып, апатты жағдай туындады
Алматы облысындағы Талғар ауданының Тұздыбастау ауылында төтенше жағдай болды. Жүк көлігі газ құбырын қағып кеткен. Артынша әлеуметтік желіде табиғи газдың лаулап жанып жатқан видеосы жарияланды, деп хабарлайды ҚазАқпарат.
Апатты жағдайды облыстық ТЖД баспасөз қызметі растады.
«13 тамыз күні 23 сағат 17 минутта газ құбырын жүк көлігі қағып кеткендігі жайлы хабарлама келіп түсті. 23 сағат 55 минутта «Жетісу газ» ЖШС-нің қызметкерлері лапылдап жанған газды тоқтатты. Қазір газ құбырларын қалпына келтіру жұмыстары жүргізіліп жатыр», – деді аталған ведомствоның баспасөз қызметінің өкілі Азамат Жұртбаев.
А.Жұртбаевтың сөзінше, төтенше жағдайдан зардап шеккендер мен тұрғын үй секторларының өртенуі жайлы дерек тіркелмеген. Жалпы ресми мәлімет бойынша, апатты жағдайдан 300-ден аса тұрғын үй газсыз қалған. Қазір барлық жұмыстарды қалпына келтіру жұмыстары жүріп жатыр.
Серіктестер жаңалықтары
© «365 Info», 2014–2024 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз