Алматы облысында темекі үшін 4 баланың әкесін сабап өлтірді (видео)
Темекі бермегені үшін тепкінің астында қалды. Алматы облысында 4 баланың әкесін бір топ жас жігіт өлімші етіп сабап кеткен.
Бұл туралы КТК арнасы хабарлайды.
Оспановтар отбасы атпалдай азаматтарынан айырылып,4 баласы әкесіз қалды. Бүкіл әулеттің жалғыз ұлы Мұxит Оспанов 43 жасқа толмай, көз жұмды. Отбасының асыраушысын достары мен туыстары «ешкімге жазығы жоқ, жайдары» азамат еді деп еске алады. Енді марқұмның туысы ай күннің аманында жақынымызды қан жоса қылып тепкілеген бір топ жігіт жазадан құтылып кете ме деп қорқады.
“Менің баламды қолымен өлтірді. Мойындарымен көтерсін. Жабылып ұрады. Одан кейін бір ғана адамды ұстап отыр.
Бұл сұмдық қой. Солай өлтіріп жүре бере ме?
Полиция қайда? Жалғыз ұлымды өлтірді”, дейді марқұмның анасы.
Қанды төбелес осыдан екі апта бұрын дәл осы дүкеннің алдында болған. Бір топ жас жігіт 43 жастағы Мұxит Оспановты соққының астына жыққан. Бәленің барлығы темекі бермеуден басталыпты. Үш бажасымен моншадан шыққан Мұxиттан жас жігіттер қайта-қайта темекі сұраған. Шылымды сатып алғандарың дұрыс деп жауап қатқанға разы болмаған олар бірден жұдырық ала жүгіріпті. Мұхитқа араша түскен жақындары да оңбай таяқ жеген. Қатты соққылардан қол-аяғы сынып, миына қан кеткен 43 жастағы азамат үшінші күні тілге келместен қайтыс болды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе