Алматы облысының, Кербұлақ ауданына қарасты Байғазы ауылының мектеп директорын оқушының маңдайынан шерткені үшін қызметінен ғана емес, педагогтік лауазымынан да айырылуы мүмкін. Қазір полицейлер істің ақ-қарасын анықтап жатыр. Бұл туралы Экспресс К хабарлайды.
Осыдан кейін мектеп басшысы Нұрдәулет Омаров 12 мамыр күні оқушыларды жинап алып ұрысқан.
Директор 7-сынып оқушысы Жорас Ақан есімді оқушының маңдайынан шертіп қалған. Ертеңінде оқушының анасы келіп, „ұлын ұрды„ деп полицияға арызданған.
Байғазы ауылында 70 адам ғана тұрады. Олардың бәрі бір-бірін жақсы танып қана қоймай, көбісі туыс болып келеді. Тұрғындар арасында сол ауылға жақын маңдағы Шоқан ауылында болған қайғылы жағдайды білетін болған соң, мектеп директорының ісін дұрысқа балайтындар да табылды.
Бірнеше жыл бұрын осы аудандағы Шоқан ауылында оқушылар мінген трактор аударылып, бір бала қаза тапқан еді.
Мектеп директорының әрекеті бойынша полицейлер «Бұзақылық» бабымен қылмыстық іс қозғады. Ауданда жыл басынан бері кәмелеттік жасқа толмағандарға қатысты 77 іс тіркелген.