Алматы облысында Алакөлдің жағалауында мүмкіндігі шектеулі жандарға арналған пансионат ашылды
Жобаны мүгедек азамат өз қаржысына салған. Ол қаражатты республикалық стартап жобалар байқауынан ұтып алған.
Бұл туралы 24.kz хабарлайды.
Пансионаттың Алакөл жағасынан салынуы тегін емес. Бұл көлдің суының емдік қасиеті бар. Ол жүйке жүйесін қалыпқа келтіріп, тірек-қимыл аппараты ауруларын емдеуде пайдасы зор. Пансионатта демалушылар үшін барлық жағдай жасалған. Бір уақытта 30 адамға дейін ем қабылдай алады. Мұнда қайта жүруді ғана емес, жүзуді де үйретеді.
– Елдос пансионат салуға жұмсаған қаражатты өткен жылы республикалық «Болашақ» стартап-жобалар байқауынан жеңіп алған. Ол екінші орынды иемденіп, бизнес бастамасын дамыту үшін 8 миллион теңге алды. Аталған байқау биыл да ұйымдастырылмақ.
Байқаудың екінші кезеңі басталуға жақын. 2 айдың ішінде өтініштер қабылданады. Кез келген адам өзінің жобасын ұсына алады. Содан кейін байқау өтеді, – дейді «Даму» Қоры»АҚ филиалының директоры Бақыт Мұсаев.
Талдықорғандағы Елдос негізін қалаған жаттығу залы жұмыс істегелі 220 мүмкіндігі шектеулі жан оңалту курстарынан өткен. Оның 35-і аяққа тұрып, өздігінен жүретін болған. Жеткіншек Алакөлдегі жаңа бастама арқылы ауруынан айығатындардың қатары артады деген сенімде.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе