Алматы облысында адасып кеткен 6 адам табылды
Балық аулаймыз деп белгісіз бағытқа жолға шыққан олардың көліктері сынып, 2 тәулік бойы далада түнеген.
Оқиға Алматы облысы Қаратал ауданында орын алды, – деп хабарлайды ҚазАқпарат.
«Іздестіру жұмыстары осы орындарда ұялы телефон байланысының кейбір жерлерде ұстамауынан және де жоталы аумақтар болуы себебінен қиындық туғызды. Қаратал аудандық төтенше жағдайлар бөлімінің жетекшілігімен іздестіру тобы азаматтарды тауып, құтқару және бұзылған автөкөліктерді қалың қардың құрсауынан алып шығу жұмыстарын жүргізді», деп хабарлайды облыстық төтенше жағдай департаментінің баспасөз қызметі.
Айта кету керек, балық аулауға кетіп, жоғалғандар жөніндегі суыт хабар 13 ақпан күні № 30 өрт сөндіру бөлімінің байланыс пунктіне түскен. Осы ақпарат дер кезінде Қаратал аудандық әкімшілігіне, Каңбақты ауылдық әкімшілігіне, учаскелік полиция қызметіне және аудандық прокуратураға жеткізілді. Оқиға орнына жедел құтқару тобы шығып, тұрғындар 14 ақпанда аман-есен табылды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе