Алматы облысында 881 түп қарасора өсірген деген күдікпен 44 жастағы тұрғын ұсталды

Алматы облысының тұрғыны 881 түп қарасора өсіргені анықталды. ІІМ мәліметінше, қылмыстық іске барды деген күдікпен 44 жастағы ер адам ұсталды. Белгілі болғандай, ол шамамен екі ай бойы өз бетінше өсіріп, күтіп, суарып отырған.

«Аталған факт Қазақстан Республикасы Қылмыстық кодексінің 300-бабының 3-бөлігі бойынша тіркелді. Жауап алу барысында күдікті кінәсін мойындап, өсімдіктерді өткізу мақсатынсыз, жеке пайдалану үшін өсіргенін айтты. Қазіргі уақытта істің барлық мән-жайларын анықтауға бағытталған қажетті тергеу әрекеттері жүргізіліп жатыр», – делінген хабарламада.