Алматы автобустарында жолаушылар картасынан ақша шешіп алып жүрген алаяқтар бар екен
Алматы автобустарында өздерін «Оңай» бақылаушысы ретінде таныстырып, жолаушылардың картасынан ақша шешіп алып жүрген алаяқтар пайда болды.
Бұл туралы Алматы көлік холдингінің баспасөз қызметіне сілтеме жасап Stan.kz хабарлайды.
Компанияда мәлімдегендей, жалған бақылаушылар жолаушылардың «Оңай» картасын тексеру кезінде мобильді терминалдың көмегімен жол ақысын екінші мәрте шешіп алатын көрінеді.
«Картаны тиісті форма киіп, бақылаушының тұлғасы мен өкілеттігі көрсетілген бейдж таққан ресми бақылаушыларға ғана көрсету керек. Егер қоғамдық көлікте жалған бақылаушыларға ұшырассаңыз, бұл туралы «Оңайдың» байланыс орталығына хабарлауларыңызды сұраймыз», – делінеді хабарламада.
Сонымен қатар,көлік холдингіндегілердің сөзінше, егер картаның шотынан екінші қайтара ақша алынса, жолаушы карта балансына ақшасын қайтару үшін, холдинг мекен жайына шағым жолдай алады.
Сондай-ақ, көлік холдингіндегілер мұндай бұзушылық анықталған жағдайда, өздерінің бақылаушыға айыппұл сала алмайтынын мәлімдеді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе