Алматы Қаржы полициясының бұрынғы басшысы қамауға алынды

Бұл телефон әңгімелері стенограммалық жазбалар, сыртқы бақылау анықтамалары, фото-кестелер арқылы дәлелденді. Қаулыға шағым келтіріліп, қалалық соттың апелляциялық сот алқасы тарапынан өзгеріссіз қалдырылды», – деді Алматы қалалық сотының Ақпаратпен қамтамасыз ету бөлімінің жетекшісі Дияс Махамбетов.

Сонымен қатар, ол қаулы заңды күшіне енгенін де жеткізді. Алматы қалалық сотының хабарлауынша, Әмірхан Аманбаев бірнеше бап бойынша айыпталып отыр. Нақтырақ айтқанда, 28-бап, 5-бөлігі бойынша қылмыстық құқық бұзушылыққа сыбайласу, 215-бап бойынша жалған кәсіпкерлік, 263-бап, 4-бөлігі бойынша қызметтік бабын пайдалану арқылы көмектесу, құру, 218-бап, 3-бөлігінің 1,3-тармақтары бойынша ақша жымқыру, 311-бап, 5-бөлігі бойынша аса ірі көлемде пара алды деп айыптар тағылған. Қозғалған бұл іс бойынша 36 күдікті жауапқа тартылған.