«Әлі бар екен ғой…» Қарағанды облысында «Таблиғи-Жамаат» мүшелері құрықталды
Қарағанды облысы ішкі істер департаментінің қызметкерлері сот тыйым салған діни-экстремистік ұйымның қызметіне тоқтау салды, деп хабарлайды аталмыш департаменттің баспасөз қызметі.
Сөйтсек, қаскүнемдер облыста «Таблиғи-Жамаат» діни-экстремистік ұйымның қызметін жандандырмақшы болыпты. Алайда аймақтың тәртіп сақшылары олардың арам пиғылын жүзеге асыруға жол бермеді.
– Ағымдағы жылғы 30-қазанда жеғдел-іздестіру шараларының барысында аймақтың 22-ден 39 дейінгі жас аралығындағы алты тұрғыны құрықталып, олардан тұрғылықты жері бойынша діни мазмұндағы әдебиет, оргтехника, флешкарталар мен ұялы телефондар табылып, тәркіленді.
Жүргізілген сараптама қорытындысына әйкес, зерттелген материалдарда аймақта «Таблиғи-Жамаат» діни-экстремистік ұйымның қызметін ұйымдастыру мақсатында адамдарды үгіттеу, оларды алдап-арбап, ұйым жұмысына тарту белгілері анықталды, – делінген баспасөз қызметі таратқан ақпаратта.
Құрықталғандардың үшеуі уақытша қамау абақтысына тоғытылса, тағы үшеуіне қатысты ешқайда кетпеу туралы қолхатпен босату жөніндегі бұлтартпау шарасы белгіленді.
Қазіргі уақытта осы іс бойынша ҚР Қылмыстық кодексі 405-бабының 2-тармағы бойынша сотқа дейінгі тергеу амалдары жүргізілуде.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе