Алғашқы жекеменшік банкті құрған кәсіпкер бостандыққа шықты
Өзбекстандағы алғашқы жекеменшік банк — “Рустамбанктің” бұрынғы қожайыны — 69 жастағы Рустам Усманов 19 жылдан соң бостандыққа шықты. Кәсіпкер 1998 жылы экономикалық қылмыстары үшін 14 жылға сотталған еді. 2012 жылы билік оны тағы бес жылға соттады.
Туысқандарының айтуынша, Рустам Усманов 13 ақпанда “Жаслық” колониясынан босап шыққан. Қазір ол ауруханада ем қабылдап жатыр.
Экономист Усманов 1948 жылы Қырғызстанның Жалалабад қаласында туылған. Қайта құру дәуірі кезінде жеке кәсіппен айналыса бастаған. “Рустамбанкті” ол 1992 жылы ашқан. Көп уақыт өтпей жекеменшік банк жабылып қалды, ал кәсіпкер сол кездегі ел президенті Ислам Кәрімовтің қудалауына ұшырады.
1998 жылы 19 қазанда Әндіжан облыстық соты Усмановты алаяқтық қылмысы мен шетел валютасын заңсыз сатқаны үшін соттады. Кәсіпкердің туысқандары мен адам құқығын қорғаушылар Усмановты саяси тұтқын деп есептейді.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз