Қазақстанда 25-27 қазан күндері күн жылы болып, кей өңірлерде ауа температурасы 28 градусқа дейін жетеді.
Синоптиктердің мәліметінше, еліміздің батысына Поволжья аудандарынан атмосфералық фронттар жылжиды. Соның салдарынан жауын-шашын, әсіресе жаңбыр жауып, ауа температурасы төмендейді.
Ал республиканың өзге өңірлерінде жақын арадағы екі тәулікте антициклон сақталып, күн жылы және жауын-шашынсыз болады.
Максималды ауа температурасы 8-15°С жылы болса, оңтүстікте және оңтүстік-шығыста 18-23°С, кей жерлерде 28°С-қа дейін күн жылиды деп күтілуде.
Тек 27 қазанда солтүстік, орталық және оңтүстік облыстарда атмосфералық фронттардың келуіне байланысты, кей жерлерде жаңбыр жаууы мүмкін.