Алаш қайраткерлерінің суреттері жаңаланып, түрлі-түсті бояуға көшірілмек
Алаш қайраткерлерінің тарихи суреттерін жаңалап, ұсынатын жаңа жоба қолға алынбақ.
Бұл туралы белгілі саясаттанушы Ерлан Қарин Facebook-тегі жеке парақшасында жазды. Бүгін ол желіде Алаш қайраткері Әлихан Бөкейханның түрлі-түсті бояуға көшірілген суретін жариялады.
„Әлихан Бөкейханның 150 жылдығына орай Әлекеңнің бірқатар суреттерін реставрация жасап, түрлі-түсті бояуға аударып көрдік. Ондағы мақсатымыз – Алаш қайраткерлерінің өмір жолына, жалпы ұлттық тарихқа жастардың назарын тарту. Бүгін Әлекеңнің суреттерінің жаңа топтамасының алғашқы нұсқасын жариялап отырмын.
Түпнұсқасы нашар болғандықтан, әрине анық бейне жасау қиын, әлде де еңбектену қажет. Бірақ менің әріптесім, дизайнер, фотосуретші Ғалымжан Әубәкіров шетелдік реставраторлардың әдістемесін жан-жақты сараптап, жүктелген міндетті мұқият орындауға тырысты. Жалпы, біз осымен үлкен бір жаңа жобаны бастауды қолға алмақпыз. Кәсіби тарихшылар мен реставратор-суретшілердің тобын құрып, белгілі тарихи тұлғалардың суреттерін жаңартқымыз келеді. Бұл топқа ресейлік әріптестер де қосылатын болады„ деп жазды ол.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе