Ал құтты болсын! Қашағанда коммерциялық мұнай өндіріле бастады
“Биыл бірінші қарашадан бастап Қашаған жобасы коммерциялық өндіру деңгейіне жетті немесе, басқаша айтқанда, тәулігіне 75 мың баррель өндіріле бастады”, – деп хабарлады Қазақстанның энергетика министрі Қанат Бозымбаев мәжілістегі үкімет сағатында.
Министрдің айтуынша, кешенде 19 қарашадағы мәлімет бойынша 450 мың тоннадан астам мұнай өндірілді, ал жыл аяғына дейін Қашағанда шамамен 1 млн 100 мың тонна шикізат өндіріледі.
Бұған дейін Бозымбаев 2017 жылы Каспий қайнарындағы Қашағаннан төрт миллионнан жеті миллион тоннаға дейін мұнай өндіру жоспарланғанын мәлімдеген еді.
Қашаған кешені Каспий теңізінің қазақстандық секторында орналасқан. Ол 2000 жылы ашылды, қазақ билігі мұнда 4,8 млрд тонна мұнай және триллион текшеметрден астам табиғи газ бар деп болжап отыр. Қашағанды NCOC консорциумы игереді, оның құрамына “ҚазМұнайГаз” ұлттық компаниясы мен бірқатар шетелдік компаниялар кіреді.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз