Нұр-Сұлтан
Қазір
11
Ертең
10
USD
427
0.00
EUR
497
0.00
RUB
6.04
0.00

Ақтөбелік ұстазға оқушысына жыныс мүшесін ұстатты деген айып тағылды

Соңғы екі-үш күннен бері Ақтөбедегі бұл мектептің ұжымы да, оқушылар мен ата-аналар да мектеп қабырғасында “осындай болыпты” деген оқиғадан кейін естерін жия алар емес. Оқушы қыздың ата-анасының түсірген шағымына қарағанда, мұғалім үшінші сыныпта оқитын өзінің оқушысын мектептегі таса жерге апарып, жыныс мүшесін ұстатқан. Шағымнан соң, өзге ата-аналар да балаларды мектепке жіберуге қорқатын болдық дейді.

ЛЮДМИЛА ВИКТОРОВА, Тұрғын:
–  Мен алғаш естігенде қатты қорқып кеттім. Өтірік деп ойладым. Әрине енді қорқамыз. Балаларымызды мектепке жіберуге қорқатын болдық. 8-ші сыныпта сіңілім оқиды. Ойлаудың өзі қорқынышты.

Мұғалімнен зәбір көруі мүмкін деген оқушының ата-анасы әзірге ел алдына шығуды қаламапты. Ал мектеп директоры жас мұғалім “олай істемеді” деп кесіп айта алмайды. Айтуынша, қазір кішкентай қызға тиісті деген мұғалім тергеуге байланысты жұмыстан шеттетілген. Дегенмен, басшылық жас мұғалімнен жаман қылық байқамаған едік деп отыр.

ЛАТЫП ӘЛІБИ, Ақтөбе қаласы №16 орта мектебінің директоры:

– Ақыл-есі дұрыс, колледж бітірген бала. Арақ ішпейді, темекі тартпайды. Оның артынан ондай жағдайды ешқашан көрген емеспіз. Қазір мен сізге нақты ештеңе айта алмаймын. Неге десеңіз қазір следствиесі жүріп жатыр. Бізге олар анық ештеңе айтқан жоқ.

Облыстық ішкі істер департаменті баспасөз қызметінің хабарлауынша, бұл оқиғаға қатысты шағым полиция бөліміне түскен. Қазір мұғалімнің әрекеттеріне қатысты істі полицейлер жан-жақты тексеріп, айналысып жатыр дейді.

Серіктестер жаңалықтары
Көп қаралған
© «365 Info», 2014–2021 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз