Ақтөбе облысының Шалқар ауданында заңсыз қарасора еккен 2 азамат қамауға алынды, деп хабарлайды Baq.kz .
«Ақтөбе облысы ІІД полиция қызметкерлері мен Ұлттық Гвардияның №6655 әскери бөлімі отрядымен бірлесіп, «Көкнәр-2018» жедел профилактикалық шарасы аясында үстіміздегі жылдың 16-ші тамызында Шалқар қаласынан 35 шақырым қашықтықта орналасқан қыстаулардың бірінің аумағында белгісіз тұлғалардың заңсыз түрде еккен қарасора алқабын /конопля/ анықтады», – делінген ведомствоның хабарламасында.
Осы іске қатысты ҚР Қылмыстық Кодексінің 300-шы бабының 1-ші бабымен сот алды тергеу амалдары басталды. Сараптамалар тағайындалды.
Айта кетейік, жыл басынан бері өңірде тәртіп сақшылары есірткі заттарын заңсыз өсірудің 12 дерегін анықтады.