Ақтөбе облыстық полиция қызметі жастар ұйымдарымен бірлесе жұмыс істеуі үшін өзара құжатқа қол қойды.
Құжатқа Ақтөбе облысы ІІД Жергілікті полиция қызметінің бастығы полиция полковнигі Қаныбек Жақсығалиев пен Ақтөбе облыстық жастар ресурстық орталығының директоры және жастар ұйымдарының жетекшілері қол қойды деп хабарлады облыстық ішкі істер департаменті.
Меморандум аясында жастар ұйымдары рейдтік шараларға қатысатын болады. Әрі әлеуметтік жағдайы төмен отбасынан шыққан балаларды жастар ұйымдары қоғамдық іс шараларға жиі араластырып, патриоттық шараларға қатыстырып, ортаға бейімдеу үшін барынша тырысатын болады.Құқықбұзушылықтар орын алған кезде құқық қорғау органдарына тез әрі жедел ақпарат беруді де жастар ұйымдары өз міндеті деп санайды.