Ақтөбеде басынан ауыр жарақат алған капитан тілге келді
Ақтөбеде ауруханада ауыр жағдайда жатқан Ұлттық қауіпсіздік комитеті әскери полициясы капитаны есін жиып келеді.
Бұл туралы diapazon.kz жазды.
8 ақпан күні Жедел медициналық жәрдем ауруханасына басына және бетіне тиген оқ жарақатымен Ұлттық қауіпсіздік комитетінің әскери полициясының қызметкері жеткізілді. Дәрігерлердің айтуынша, оқ маңдай сүйігін тесіп жіберген. Миға зақым келген. Ота 7 сағатқа созылды, екі хирургиялық бригада жұмыс істеді.
«Қазір оның жағдайы ауыр, бірақ, қан қысымы бір қалыпты. Не дегенмен, өте ауыр жарақат. Жағдайы жақсарып келе жатқандығы туралы айту әлі ерте. Себебі емдік процедуралар қолдауымен жақсы көрсеткіштер көрінгенімен, оның алдамшы, яғни уақытша болуы мүмкін. Науқастың жағдайы туралы нақты бірдеме айту үшін кем дегенде тағы 10 күн керек. Қазір оның жағдайы ауыр, бірақ бірте-бірте есін жинап келеді. Сұрақтар мен дәрігердің нұсқаулықтарына бас изеп жауап береді», – деді ол.
Алдын ала мәлімет бойынша, 32 жастағы әскери полиция капитаны №2030 әскери бөлімінде ату жаттығуларына жоспарлы дайындық кезінде пистолеттен өзінің басына оқ атқан. Бұл оқиғаға қатысты екі болжам бар: өз-өзіне қол салу немесе абайсызда өзін атып алу.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе