Ақтөбеде 100 мың оқушы лагерьге жолдама алды

Сондай-ақ биыл алғаш рет спортшы жеткіншектер мен оқу озаттары Орынбор облысына экскурсияға барып, жазғы лагерьде демалып қайтады. Танымдық экскурсияны облыс аумағында өткізу де жоспарланған. Мәселен, Тобыл-Торғай табиғи резерватына 300 оқушыға жолдама беріледі. Одан басқа ондаған туристік бағыт анықталып, бүлдіршіндерге туған өлкесі тереңірек таныстырылады. Бұл жоба облыстық білім беру басқармасының бастамасымен жүзеге асырылмақ.

Талғат Сүлейменов, облыстық білім беру басқармасының жетекші маманы:

– Негізінен білімі озат оқушыларды таңдап алдық. Олар облыстағы 25 туристік бағытта экскурсияға шығады. Әрбір ауданда шамамен 2 бағыт десек, 3-4 мың оқушыны қамтимыз. Олар өздерінің туған жерінің табиғатымен танысып, тарихына көз жүгіртеді. Ескерткіштерін көріп қайтады.