Ақтауда автобус жүргізушісі оқушы қыздарға қырындаймын деп сотталды
Ақтау соты мектеп автобусының 69 жастағы жүргізушісін кәмелет жасқа толмағандарды азғындық әрекетке итермелегені үшін айыпты деп тапты.
Сот 69 жастағы ер адамды 5 жылға бас бостандығынан айырып, зардап шеккен қыздың ата-анасына моральдық өтемақы төлеуге міндеттеді, деп жазады Лада басылымы.
“Сотталушы ҚР Қылмыстық кодексінің 124-бабы 1-бөлімі, яғни “Кәмелет жасқа толмаған жасөсіпірмге күш қолданусыз көрінеу азғындық іс-әрекеттерді жасау” бойынша кінәлі деп танылып, 5 жылға бас бостандығынан айыруға үкім етіліп, жазасын жалпы тәртіптегі колонияда өтейтін болады. Сотталушы 8 жылға дейінгі мерзімге бала тәрбиесі мен оқыту мекемелерінде қызмет атқару құқығынан айырылды”, — деп хабарлады басылымға Маңғыстау облыстық сотының баспасөз қызметіндегілер.
Айта кетелік, бұл оқиға өткен жылдың желтоқсан айында ауыл мектебінде орын алды. Мұғалім 4-сынып оқушыларының бірінің телефонында мектеп автобусының 69 жастағы жүргізушісінен келген хабарламаны көріп қойған. Содан соң оқушының ата-анасы жүргізушіге шағым түсіреді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе