АҚШ ұстанымы өзгерді: Сирия президентін отставкаға жіберу – басты міндет емес
АҚШ-тың БҰҰ-дағы тұрақты өкілі Никки Хейлидің мәлімдеуінше, президент Дональд Трамп әкімшілігінің Сирияға қатысты маңызды міндеттерінің бірі – президент Башар Асадты биліктен тайдыру емес, елдегі гуманитарлық дағдарысты еңсеру үшін Вашингтонмен қарым-қатынынасқа әзір серіктес іздестіру.
Жұмыс сапарымен Түркияда жүрген АҚШ мемлекеттік хатшысы Рекс Тиллерсонға да бейсенбі күні Асад туралы сауал қойылды. Ол да қазіргі әкімшілік Асадтың отставкасын талап етпейтінін мәлімдеді. “Оның болашақ саяси тағдырын Сирия халқы шешеді”, – деді америкалық дипломатия басшысы.
Дегенмен Сенаттың қарулы күштер жөніндегі комитетінің төрағасы, республикашыл Джон Маккейннің ұстанымы Ақ үй саясатына қайшы келеді. Оның пікірінше, “Трампқа Ресеймен фауст келісімін жасаудың қажеті жоқ. Аяусыз қырылып жатқан сириялықтар мемлекет құрылымы мәселесін өз еркімен шешуге қауқарсыз”.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз