Ақмола облысында қызметкерін балағаттаған басшы видеоға түсіп қалды

Балағаттаған басшының бұл әрекеті – қызметкерлерінің көрген құқайларының бірі ғана екен. Айтуларынша, қолына берген құжатты бетке лақтыру, болмаса аяғымен таптау, намыстарына тиетін сөз айту – аудан мәдениетін басқарған басшыға тән қылықтар. Тіпті аудан әкімінің орынбасарына дейін тіл тигізген болып шықты. Әдеп кеңесінің мүшелері  Мәдина Дүйсенбаеваның бұл бассыздығына қарап, бірауыздан  қызметінен кетіру керек деп шешті. Ал, кеңес отырысына қатысқан бөлім басшысы бұның бәрін жала деп отыр.

“Анау үн таспадағы мен емес.Маған оның мүлдем қатысы жоқ.Мен ешкімге ешқашан жаман сөз айтқан емеспін!Оны әлі дәлелдеу керек!”, дейді Мәдинә.