Ақмола облысында аса қауіпті қылмыскер колониядан қашып кетті

Ақмола облысында аса ауыр қылмысы үшін сотталған ер адам колониядан қашып кетті, – деп хабарлайды Tengrinews.kz тілшісі.

ҚР ІІМ ресми өкілі Алмас Сәдубаевтың хабарына қарағанда, ер адам 17 маусымда Степногорск қаласындағы мекемеден қашып кеткен.

“17 маусымда Степногорсктегі ЕЦ-165/18 мекемесінен аса ауыр қылмысы үшін сотталған Е.Ж.Қасенов қашып кетті. Ішкі істер органдары оны қайда екенін анықтап, ұстау бойынша жедел-іздестіру шаралар кешенін жүргізіп жатыр”, – деп хабарлады Сәдубаев.