Алматыда әкесі таспен ұрған балақайдың денсаулығы әлі қалпына келмеген. Бес жасар Мұхаммедтің туыстары оның ауруханадан шыққаннан кейінгі жағдайын айтып берді хабарлайды Sputnik Қазақстан.
Олардың сөзінше, балақай қайғылы оқиғадан кейін көліктерді көрсе денесін бірден қорқыныш сезімі бойлайды екен.
“Жалпы айтқанда Мұхаммедтің жағдайы қалыпты. Алайда, соңғы кездері ол өте ашуланшақ болып барады. Оған қоса, қажетті сөздерді кейде есіне түсіре алмай жататыны бар” , – дейді баланың туысы.
Қараша айында Мұхаммед қайтадан оңалту курсынан өтуі тиіс.