Айуандар! Қансыраған жігітті аурухананың алдына лақтырып кеткен (видео)

Мына кадрларда БМВ-ның аурухана алдына келіп тоқтағаны анық көрінеді. Іштен шыққан біреу ақ жаймаға оралған адамды сүйреп түсіріп, аурухана есігінің алдына тастап кетеді. Далада ес-түссіз жатқан жігітті емдеу мекемесінің қызметкерлері байқап, бірден жансақтау бөліміне жеткізген. 24 жастағы азаматқа шұғыл ем-дом жасаған дәрігерлер оның жағдайының әлі де ауыр екенін айтады. Миы шайқалып, пышақталған ол қазір нейрохирургия бөлімінде жатыр. Мәліметтерге қарағанда, жігіт түнгі клубта болған төбелес кезінде жарақат алыпты.

Жазира Әбіл, Маңғыстау облыстық ІІД баспасөз хатшысы:

-Пышақпен жәбірленушіні жарақаттаған дерек бойынша айтатын болсам, қазір күдікті қолға түсті. ҚР КК-нің 293 бабы 3-ші бөлігі бойынша қылмыстық іс қозғалды. Қазір сотқа дейінгі тергеу амалдары жүріп жатыр.