Қарағанды облысында перзентханада көз жұмған 34 жастағы келіншектің жұбайы әкімшілік жазаға тартылады. Ол жары мен нәрестесінің өлгенін естісімен, дәрігерлерге жұдырық ала жүгірген.
Бұл туралы КТК арнасы хабарлайды.
Ашынған әке енді айыппұл төлеуі немесе 15 тәулікке қамалуы ықтимал. Ал Марқұмның туыстары өлімге дәрігерлердің салғырттығы себеп болғанына сенімді. Өйткені бірнеше күн өзін жайсыз сезінген Қадиша Дәрменбаеваға медициналық бақылау дұрыс жасалмаған дейді олар.
Дәрігерлер бала жатырда-ақ шетінеп кеткен дейді. Кесір тілігін жасап, шақалақты алып шыққан. Ал Қадиша есін жимаған күйі 6 сағаттан соң жан тапсырыпты. Дәрігерлердің айтуынша құрсақтағы су марқұмның қан тамырлары арқылы денесіне лезде тарап кеткен. Оған араша түсетін тәсілдің жоқтығын айтады. Сондықтан қанша алысқанымызбен ештеңе жасай алмадық деп отыр. Керісінше, марқұмның жарынан көрген қорлықты айтып қынжылады.
“Кабинеттің есігін қиратып кіріп, анестезиологтың 2 тісін сындырды. Менімен қоса гинекологқа да қол жұмсады. Бәрін түсінем. Аффект жағдайында болған шығар, бірақ мұндайға дейін бару масқара”, деді Бұқар жырау аудандық ауруханасының бас дәрігері.
Анестезилог полицияға арыз жазды. Мен әзірге арызданбадым. Марқұмның артында 6 және 8 жастағы екі қызы қалды. Ақтық сапарға шығарған туыстары Қадишаның жүктілігі жеңіл өткен дейді. Тек айы күні таяғанда мазасы қашыпты.
“Алғашында ол ішінің тас боп қатып қалғанын айтып, үйде қиналып жүрді. Жаны қиналғасын дәрігерге барып көрінді. Бірақ сол күні гинеколог оны дұрыстап қарамай, үйіне қайтарып жіберіп отыр ғой. Тіпті болмаған соң жедел жәрдем шақырттық”, деп күйінді марқұмның туысы
«Екі аяғымды көтеріп…». Сары әулиенің қызы пәктігін әкесінің қалай тексергенін айтты
Аталған жағдай бойынша қылмыстық іс қозғалды. Сот медициналық және потологоанотомиялық сараптамалар тағайындалған. Дәрігерлердің жазаға тартылу-тартылмасы тек осылардың қорытындысына байланысты.