Бүгін Алматыда халық жазушысы, қоғам қайраткері Шерхан Мұртазаны азалы жұрт ақтық сапарға шығарып салды. Қаралы жиынға жиналған қауым намыстан жаратылған абыз ақсақалмен мәңгілікке қимай қоштасты. Ал, марқұм Кеңсай зиратында Бауыржан Момышұлының жанына жерленді.
Бұл туралы КТК арнасы хабарлайды.
Алаштың Шерағасын ақтық сапарға аттандырған Әуезов театрында халық қисапсыз жиналды. Ал, қаралы жиында министрлер, әкімдер, депутаттар және белгілі қоғам қайраткерлері алып тұлғаның өнегелі ғұмыры жайында тебірене толғанып, көпшілікке басу айтты. Қазақ журналистикасына өзгеше дем берген қаламгер «Лениншіл жас», «Қазақ әдебиеті», «Егемен Қазақстан» газеттері, «Жалын» альманахы және «Жұлдыз» журналын басқарған жылдары талай талантқа қанат бітірді.