Адамға табынуға бола ма? Ислам Кәрімов жатқан жерде кесене салынбақ
Самарқанда Өзбекстанның алғашқы президенті Ислам Кәрімов жерленген жерде кесене салынады. 19 желтоқсанда арнайы комиссия “Ислам Кәрімов мемориалдық кешені” жобасын талқылады.
Өзбекстан суретшілер академиясының хабарлауынша, комиссияға екі жұмыс тапсырылған. “Бірінші макетте кесене күмбез іспеттес салынған, ал екіншісі – “Имам әл-Бұхари мемориалдық кесенесі” секілді үлкен”, – деп хабарлады дереккөз.
Комиссия мүшелері екі макетке қатысты пікірлерін айтып, үшінші бір макет әзірлеу туралы шешім шығарды.
Үш айдан бері әлемнің көптеген елдерінің басшылары Ислам Кәрімовты еске алу үшін Самарқанға барып жүр. Шахи-Зинда кешеніндегі Кәрімов зиратының қасына уақытша шатыр орнатылған.
Кәрімов кесенесіне мемлекеттік бюджеттен қанша қаражат бөлінетіні әзірге белгісіз. Кесенеден бөлек, Самарқан мен Ташкентте Ислам Кәрімовке ескерткіш орнатылады.
Серіктестер жаңалықтары
© «365 Info», 2014–2023 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз