ҚР Ұлттық банкі Данияр Ақышевтың ұсталғаны жайлы қауесет таратқандарды жауапқа тартады.
Бұл туралы банктің баспасөз қызметі хабар таратты.
“Қазіргі уақытта бастық жұмыста. Бұл мәліметті үзілді-кесілді жоққа шығарамыз. Ұлттық банк жалған мәлімет таратып жатқан адамдарға қатысты құқық қорғау органдарына хабарласады”, – деді ҚР Ұлттық банктің Қаржы қызметтерін тұтынушылардың құқығын қорғау департаментінің директоры Александр Терентьев.
Еске сала кетелік, кешке түскі сағат 15.00-ден кейін полиция қызметкерлері Ұлттық банк ғимараты орналасқан Бейбітшілік көшесін Абай көшесінен бастап жауып тастады, деп ҚазАқпарат хабар таратты. Астана қалалық Ішкі істер департаменті бұл жайтқа қатысты полиция қызметкерлерінің кешенді күш құрылымының жоспарлы оқу-жаттығуы деп түсініктеме берген.