Нұр-Сұлтан
Қазір
9
Ертең
4
USD
429
+2.03
EUR
500
+3.00
RUB
5.44
-0.06

Ақтөбедегі теракті үшін жергілікті полиция басшылығы жауапқа тартылады

ҚР Бас прокурордың кеңесшісі, Бас прокуратурадағы тергеу тобының жетекшісі Б.Жақсыбаев қаулы шығарды. Қаулыда 5 маусым күні Д.Таңатаров бастаған 45 адам «Паллада», «Пантера» қару-жарақ дүкендері мен №6655 әскери бөліміне, құқық қорғау органдарының қызметкерлері мен азаматтарға шабуыл жасалғаны туралы айтылған.

«Теракт кезінде 7 адам қаза тауып, 13 адам жараланды. Қару-жарақ пен оқ-дәрі қолды болды. Тергеу кезінде жергілікті полиция басшысы Мақсат Шляшев пен оның орынбасары Ермек Шукановтың тиісті деңгейде әрекет етпегені анықталып отыр. Олар оқиға орнына келген арнайы жергілікті полиция қызметкерлерін №6655 әскери бөліміне шабуыл жасаған лаңкестерге бағыттамаған, оларды қолға түсіру үшін соңына түспеген. Бұл дерек бірыңғай реестрге тіркелді», – деп жазылған қаулыда.

Бұл дерек тез тарап кетті. Ал қалалық жергілікті полиция басшысы Мақсат Шляшев:

«Өзім де кеш естідім. Біз қазір жұмыста жүрміз, жиналыстамыз, қызметтен шеттетілген жоқпыз»,- деп қысқа қайырды.

Айта кетейік, облыстық прокуратура 5-маусымдағы қылмыстық істі тергеп, сотқа тапсырды. Келер аптада сот отырысы басталады.

Серіктестер жаңалықтары
Көп қаралған
© «365 Info», 2014–2020 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз