Ақтөбедегі теракт кезінде сот-медициналық сараптама сарапшысы өзі куә болған жайттарды баяндап берді.
Оқиға орнына барғанда сот-медициналық сараптама сарапшысы Владимир Корнев бойында жарылғыш гранатасы бар өлі денеге тап болғанын айтады деп хабарлады rikatv.kz.
– Біздің қызметкерлер лаңкестердің көзі жойылған пәтерге барды. Оқтар, шуылдақ гранатадан күл-талқаны шыққан пәтерде денелер шашылып жатты.
Алдымызда ғана мұнда саперлер жұмыс істеп кеткен. Сондықтан біз алаңсыз қимылдадық. Бір денені аударғанда оның астында жарылмай қалған шуылдақ граната жатты…
Әрине, біздің жұмысымыз қауіпті. Қауіп қай жақтан келітінін білмейді екенсіз.
– Бір денені қараудың өзіне көп уақыт кетеді. Әскери бөлімнен әкелінген 3 мәйітке 5-6 сағат кетті. Ол арада бір де бір деталді жіберіп алуға болмайды. Тіпті, қанның атқылауы да есепке алынады. Ол оқтың қай жатқан, қандай қашықтықтан атылғанын анықтауға мүмкіндік береді. Мәйіттерді тексеру сот-медициналық сараптамасына арналған мәйітханада жүргізілді.
– ҚР Үкіметінің қаулысына сәйкес, лаңкестердің мәйіті туған-туыстарына берілмейді.
2 ай бойына олар біздің мәйітхана сақталды. Олардың әрқайсысы арнайы жылтыр қаппен оралып, сыртына қол мен мөр қойылған. Олар бөлек мұздатқыш камерада жатты.
Екі ай бойына біздің ғимаратты арнайы қызметтің жасақтары күзетті, күдікті адамдарды жолатпады. Әрине, денесін сұрап, қаза тапқан лаңкестердің туған-туыстары келді. Бірақ олардың барлығымен жекелей әңгіме-дүкен құрылды. Біз ол адамдарға денені жерлеуге неге бере алмайтынымызды түсіндірдік. Кейіннен мәйіттерді Ұлттық қауіпсіздік комитетіне жөнелттік,- дейді ол.