Ақтөбеде лаңкестерді қолға түсірген полиция қызметкері “Алтын адам” атағына ие болды
Ақтөбеде 5 маусым күнгі теракт оқиғасы кезінде ерекше жұмыс жасап көзге түскен полиция қызметкерлері марапатталды.
Қанды оқиғаның басында жүріп, бірнеше лаңкесті құрықтауға қатысқан Елек полиция бөлімшесінің қызметкері әріптестерінің арасында үздік қызметкер атанды деп хабарлады Аktobenews.kz.
– Елек бөлімшесінде кезекте болдық. Түскі уақытта «Паллада» дүкеніне қарулы шабуыл жасалғаны хабарланды. Сол кезде қала бойынша жүрген барлық полиция қызметкерлері шақырылған болатын. Біз «Паллада» дүкеніне барған кезімізде «Пантера» қару-жарақ дүкеніне көмек сұрады. Ол жерге барғанымызда әріптестеріміздің қызметтік көлігінің ашық тұрғанын көрдік. Сол жерде біз ойланбастан атысқа қатысып кеттік.
Жерде жатқан қылмыскердің қаруын алып, оған кісен салып, әрі қарай атыстық. Қасымда Жақсыбаев пен Нұғалиев есімді екі сержант болды. Нұрғалиев жарақаттанып қалғаннан кейін Жақсыбаев екеуміз атысты жалғастырдық. Сол күні кешке Кірпішті ауданында да шабуыл болды. Олар «Нива» автокөлігін алып кетті. Сол жерден қару ұстап жатқан қылмыскерді көрдік. Атуыма тура келді,- дейді Аслан Есентаев.
Міндетін үздік атқарған Аслан Есентаев «Алтын адам» атағын иеленді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе