Ақмола облысында жоғалып кеткен ауыл әкімдігінің әлеуметтік қызметкері жырада өлі күйінде табылды.
Алдын ала болжам бойынша әйел кісі үсік шалғаннан қайтыс болған, деп облыстық ішкі істер департаментінің баспасөз қызметіне сілтеме жасап, Sputnik Қазақстан хабарлады.
“Іздеу барысында 19 қараша күні кешке Шортанды ауданының Ошақ ауылынан екі шақырым жердегі жырада жергілікті тұрғын 41 жастағы Қуанған Базаргүлдің жансыз денесі табылды. Зорлық белгілері байқалмаған әйелдің мүрдесі мәйітханаға жіберілді. Сараптама тағайындалды. Әйел өлімінің алдын ала себебі дененің жалпы суықтауы”, — деді агенттікке полицияда.
Қуанған Базаргүл Новосел ауылдық округінің әкімдігінде әлеуметтік қызметкер болып жұмыс істеген. Оның артында үш баласы қалды.
Сонымен бірге Куропаткино аулында өз үйіне жақын маңнан 50 жастағы ер адамның өлі денесі табылған, мәйітте зорлық-зомбылық белгілері жоқ.
“Алдын ала дәйектер бойынша, ер адам дененің жалпы суықтауынан қаза тапқан”, — деді полицияда.
Бұдан бұрын өңірде дауылдық ескерту жарияланған еді — 19 және 20 қарашада Ақмола облысында ауа температурасы күрт төмендеп, кей жерлерде минус 40 градус болады деп күтілген.