Елордада 11 жастағы ерекше оқушы 280 кітап оқыған
Астана қаласындағы Бауыржан Момышұлы атындағы №53 мектеп-лицейінің ерекше білім беруді қажет ететін оқушысы Амаль Сафиуллина кітап оқуды өзінің сүйікті ісіне айналдырған. Бүгінде 11 жастағы оқушы 280 кітап оқып, білімге деген қызығушылығы мен табандылығын көрсетіп келеді.
Елорда әкімдігінің мәліметінше, оның кітап әлеміне жасаған алғашқы қадамына аяулы әжесінің еңбегі мен мейірімі себеп болған. Әжесі кішкентай кезінен немересіне кітап оқып беріп, әр шығарманың мазмұнын бірге талқылаған. Осылайша отбасындағы кітап оқу дәстүрі Амальдің тұрақты әдетіне айналып, бүгінде ол кітаптарды өз еркімен таңдап, қызығушылықпен оқиды.
«Кітап оқитын ұлт бір күнде қалыптаспайды. Ол баласына кітап ұсынған ата-анадан, немересіне кітаптың қадірін үйреткен әжеден, оқуға ынталандырған ұстаздан және кітаппен дос болған баладан басталады», – дейді Амальдің әжесі.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе