Техникалық ақауға байланысты салынған айыппұлдар есептен шығарылады

Қазақстандағы жүргізушілерге жасамаған заңбұзушылықтары үшін көптеген айыппұл салынды. Ол заңбұзушылықтар тас жолдарда жылдамдықты асыруға қатысты. Ішкі істер министрлігі бұл жағдайға түсініктеме берді. 

13-14 тамыз аралығында Бас прокуратураның жүргізушілерге айыппұлдар жасайтын ақпараттық жүйесінде техникалық ақаулық болды. Жауапты органдар қазіргі уақытта мәселені шешіп жатыр. Жылдамдық шегін бұзбағандардың айыппұлдары есептен шығарылады. Айыппұлдарын төлегендерге ақша қайтарылады. Қазір ақшаны қайтару механизмі әзірленіп жатыр.

«Ешқайда барудың қажеті жоқ. Полицияға хабарласудың немесе ештеңені дәлелдеудің керегі жоқ. Қате жасалған барлық айыппұл анықталды және автоматты түрде жойылады», – деді Ішкі істер министрлігі әкімшілік полиция комитетінің төрағасы Мұрат Қабденов.