Қарағандыда екі отбасы бір қабірге таласып, мәйітке эксгумация жасалды
Қарағандыда бір жарым жыл бұрын жерленген әйелдің қабірі қайта ашылды. Мәйітке эксгумация жасалады. Бейітке таласып жүрген екі отбасының әрқайсысы зират басына құран бағыштауға жеке-жеке молда әкелді, деп хабарлайды “Астана” телеарнасына сілтеме жасаған 365info.kz сайты.
Телеарнаның хабарлауынша, бұл шараға әкімдік өкілдері мен полицейлер, қабір қазушылар да қатысқан.
Сотқа жүгінген Айгүл Жамиленова әуелден-ақ осы жерге 1 жарым жыл бұрын анасын жерлегеніне сенімді. Жарты жылдан кейін қабір басына келгенде өзге адамның құлпытасын көріп дереу құқық қорғау органдарына арызданған. Ал қабірге таласып жүрген екінші тарап бұл жерде апайы жатқанын айтады. Ақыры дау шешілмеген соң сот осындай шешім шығаруға мәжбүр болған.
«Қазір ештеңе түсініксіз. Денеден түк те қалмаған. ДНҚ сараптамасы барлығын шешеді деп ойлаймын. Мен бұл жерде анамның жатқанына сенімдімін. 30 адам жерлеуіне қатысып 30- ы қателесуі мүмкін емес», – дейді арызданушы Айгүл Жәмиленова.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе