Қ.Сәтбаев атындағы химия олимпиадасы биыл алғаш рет халықаралық деңгейде өтіп жатыр
Қ.Сәтбаев атындағы химия пәнінен олимпиада биыл алғаш рет халықаралық деңгейде ұйымдастырылып отыр, – деп хабарлайды Оқу-ағарту министрлігінің баспасөз қызметі.
Халықаралық химия олимпиадасы Ұлытау облысында 27 қазан мен 1 қараша аралығында өтуде. Оған биылғы жылы 100-ден астам Қазақстан, Қыряғызстан және Ресей мемлекеттерінің білім алушылары қатысуда.
Қаныш Сәтбаев атындағы халықаралық химия олимпиадасы 9–11 (12) сынып оқушыларының арасында теориялық және практикалық екі кезеңде өтеді.
Байқауды ҚР Оқу-ағарту министрлігінің қолдауымен «Дарын» республикалық ғылыми-практикалық орталығы, Ұлытау облысының білім басқармасы және The Ulytau Educational Foundation қоры бірлесіп ұйымдастыруда.
Оның қорытындысында үздік оқушылар халықаралық деңгейдегі дипломдармен және арнайы сыйлықтармен марапатталады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе