Президент Паралимпиада ойындарының екі дүркін чемпионы атанған Давид Дегтяревті құттықтады
Президент Қасым-Жомарт Тоқаев Паралимпиада ойындарының екі дүркін чемпионы Давид Дегтяревті құттықтады, деп хабарлады Ақорданың баспасөз қызметі.
«Давид Дегтяревті Паралимпиада ойындарының екі дүркін чемпионы атануымен шын жүректен құттықтаймын! Ол ерекше ерік-жігер танытып, жеңіс тұғырынан көрінді», – деп жазды Мемлекет басшысы өзінің Х әлеуметтік желідегі парақшасында.
Парижде өтіп жатқан Паралимпиада ойындарында Қазақстан қоржынына алтын медаль түсті. Парапауэрлифтингтен 54 келіге дейінгі салмақта Давид Дегтярев чемпион атанды. Давид Токиодағы жетістігін қайталап, Паралимпиада ойындарының екі дүркін жеңімпазы болды. Париждегі бірінші мүмкіндігінде 185 келі салмақты бағындырды. Одан кейін 186, үшінші мүмкіндігінде 188 келіні еңсерді.
Париждегі Паралимпиада ойындарында Қазақстан құрамасы әзірше үш медаль еншіледі.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе