COVID-19 пандемиясымен күрес екі жылға жуық уақыт алады — ДДСҰ

24 тамыз 2020, 17:51

123

ДДСҰ-ның басшысы Тедрос Гебрейюс қазіргі жағдайды жүз жыл бұрын өршіген, екі жылға жуық уақытқа созылған испан тұмауының пандемиясымен салыстырды, деп хабарлайды Euronews.

— Бүгін біздің осындай аурулармен күресуге қажетті технологияларымыз бен біліміміз бар. Бірақ біз жаһандану жағдайында өмір сүріп жатырмыз, бұл вирустың планетада тез таралуына мүмкіндік береді, — деді Гебрейюс.

ДДСҰ мәліметтері бойынша, COVID-19 анықталғаннан бері әлемде 23 миллионға жуық адам осы індетті жұқтырған. 800 мыңға жуық науқас қайтыс болды. Еуропада соңғы апталарда пандемияның қайтадан өршуі байқалды. Демалыс күндері аурудың өсуі Испанияда, Португалияда, Хорватияда, Францияда байқалды. Туристер көп келетін ірі қалалар мен курорттар аурудың жаңа ошағына айналуда.