Қарағандыда Ұлттық қауіпсіздік комитетінің жалған полковнигі тұтқындалды
Полиция қызметкерлері өзін полковник, ҰҚК-нің Өзіндік қауіпсіздік департаменті бастығының орынбасарымын деп таныстырған 47 жастағы Қарағанды тұрғынын тұтқындады.
«Үстіміздегі жылдың 23 сәуірінде, төтенше жағдай режимі әрекет етіп тұрған кезде, өзінің тұрғылықты мекенжайынан шығып келе жатып, жол қозғалысы ережесін бұзды, сол үшін тоқтатылды. Ол полиция қызметкеріне өзін Ұлттық қауіпсіздік комитетінің Өзіндік қауіпсіздік департаментінің орынбасарымын деп таныстырған. Бірақ қандай да бір растаушы құжаттарды көрсетпеді. Онымен болған барлық әңгіме видеожетонға жазылды», — делінген Қарағанды облысының ПД-ның баспасөз қызметінің хабарламасында.
«Ұсталған адам Қарағанды ІІД Оңтүстік-Шығыс полиция бөліміне жеткізілді. Сауалнама барысында ол шын мәнінде ұлттық қауіпсіздік органдарының қызметкері емес екенін мойындады, өкінетінін айтты», — делінген хабарламада.
Азамат ҚР ӘҚБтК-нің 476-бабының 6-бөлігіне сәйкес әкімшілік құқық бұзушылық жасағаны үшін кінәлі деп танылды (төтенше жағдай режимін бұзу). Қарағанды қаласының мамандандырылған әкімшілік сотының шешімімен оны 10 тәулік мерзімге қамауға алынды.
«Айтпақшы, өткен жылы жалған «полковник» алаяқтық жасады деген айыппен істі болған. Ол өзін лауазымды тұлға ретінде таныстырып, облыстың бір тұрғынына қылмыстық жауапкершіліктен жалтару мәселесін шешуге уәде берген», —деп атап өтті ЖП баспасөз қызметінде.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе