Алматы қалалық Полиция департаменті 125 млн теңгеге қорғаныс костьюмдерін сатып алу туралы ойынан айнып қалды

12 мамыр 2020, 11:08

296

Департамент бұл ақпаратқа қатысты пікір білдіріп, сатып алу келісімінің бұзылғанын айтты. Қорғаныс костьюмінің үлгісі, нақтырақ айтқанда матасы заң қорғаушыларының көңілінен шақпаған.

«Ең төменгі бағаны ұсынған дайындаушымен 4 мамыр күні келісімшарт жасалды. Шартта ұсынылған тауардың сапасы талаптар мен белгіленген бағаға сәйкес келмесе полиция департаменті бір тараптан бұл келісімшартты бұза алады деген тармақ бар, —

деген департаменттің пікіріне inform.kz. сілтейді —

Жеке қорғаныс құралының (ЖҚҚ) сапасын мұқият тексеріп, сапасы қойылған талаптарға сәйкес келмейтініне көз жеткізіп, полиция департаменті ЖҚҚ сатып алудан бас тартатыны және келісімшартты бұзатыны туралы жеткізушіні жазбаша хабардар етті. Мереке күндерінен кейінгі бірінші жұмыс күні, 11 мамырда бұрын жасалған келісімшарттың күші жойылды».