Жамбыл облысының прокуроры тағайындалды

Кандидатура мемлекет басшысымен келісілді, деп хабарлайды бас прокуратураның баспасөз қызметі.

Нұрғалым Мәжітұлы Әбдіров 1967 жылы дүниеге келген. Қарағанды мемлекеттік университетін «Құқықтану» мамандығы бойынша аяқтады.

Арнайы прокурорлар департаменті, тергеу және анықтау заңдылығын қадағалау департаменті және Бас прокуратураның ұсталған, қамауға алынған және қылмыстық жазаны өтеуші адамдардың құқықтарының сақталуын қадағалау жөніндегі департаментін басқарған.  Астана, Алматы және Оңтүстік-шығыс аймақтық көлік прокуроры, Ақтөбе және Түркістан облыстарының прокуроры болған.