“Беташарда көріп қойған”. 44 жастағы әйел жас жігітті алдап күйеуге шықпақ болған
Түркістан облысы Түлкібас ауданында 44 жастағы әйел жас жігітті алдап, оған күйеуге шығып алмақшы болған. Бұл ақпарат әлеуметтік желілер арқылы тарауда.
Видео авторының айтуынша, 44 жастағы әйел 29-дағы жігітке тұрмысқа шықпақшы болған. Ол жігітпен кездескеннен бастап өзін 34 жастамын деп таныстырыпты. Алайда, тура беташар күні әйелдің шын жасы белгілі болып қалған.
«1988 жылғы жігіт бір әйелмен танысқан екен. Екеуі кездесіп жүріп, үйленбекші болыпты. Әйел осы уақытқа дейін өзін 1984 жылғымын деп жігітті алдап келген. Сөйтіп жігіт үйленбекші болып, әйелді ауылына әкеліпті. Бірақ тура беташар күні жігіттің анасы болашақ келінінің сөмкесін ашып жатқанда, жеке куәлігінен оның шын мәнінде 1974 жылғы екенін көріп қойған. Ата-аналар мұндай алаяқ әйелдерден сақтаныңыздар», – дейді автор.
Өз кезегінде желі қолданушылары бұл оқиғаның Түркістан облысында болғанына шүбә келтіруде. Өйткені оңтүстік жақта табалдырық аттағалы тұрған келіннің шыққан жері мен жасына қатты мән береді дейді олар.
Серіктестер жаңалықтары
© «365 Info», 2014–2024 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз