Жыл соңына дейін ақша айырбастау орындарында алтын құймалар сатыла бастайды

Ақша айырбастау нүктелерінде айналымға шығатын алтын құймалар үшін кәсіпкерлерге қосымша салық салынбайды. Жыл соңына дейін еліміздегі айырбас пункттерінде алтын құймалар сатыла бастайды.

Бұл туралы Астана арнасы хабарлады.

Ал валюта нарығындағы кәсіпкерлерге құймаларды тікелей Ұлттық банктен сатып алуға жағдай жасалған. Қазіргі уақытта екінші деңгейлі банктерде сатылатын алтын құймалардың бағасы айырбас пункттерінде әлдеқайда арзан болады.

“Алтын құймаларды айырбастау орындарында сату, сатып алу үшін ешқандай қосымша салық көзделмеген. Әрі қандай да бір қиындықтар мен кедергілер мүлде болмайды. Кәсіпкерлер өзге валюталармен жұмыс істегендей құнын тақтаға жазып, кәсібін баяғыдай жалғастырады”, Қазақстан қаржы айырбастау орындары қауымдастығының президенті Аршын Ғалымбаев.