Ұлттық банк доллар бағамына қатысты саудалау ережесіне өзгертулер енгізеді
Қазақстанның Ұлттық банкі доллар бағамын бекіту және оны Қазақстан қор биржасында саудалау ережесіне өзгертулер енгізу туралы шешім қабылдады, деп хабарлайды Baq.kz .
2018 жылғы 10 қыркүйектен бастап теңгенің АҚШ долларына қатысты ресми бағамы «Қазақстан қор биржасы» АҚ-тағы Т+1 есеп айырысу мерзімдерімен негізгі және қосымша сессиялардың қорытындысы бойынша орташа алынған биржалық бағам негізінде белгіленетін болады. Теңгенің долларға қатысты ресми бағамын белгілеу қағидалары өзгермейді, тек алаң «USDKZT_TOD» (мәміле жасалған күнгі есеп айырысу) секторынан «USDKZT_TOM» (мәміле жасалған кейін келесі күнге арналған есеп айырысу) секторына өзгереді.
Қаржы реттеуші хабарлағандай, Есеп айырысуды қазіргі Т+0-ден Т+1-ге дейін өзгерту әлемдік қаржы нарықтарымен ықпалдасуды тереңдетуге, шетелдік портфельдік инвестицияларды тарту есебінен өтімділікті ұлғайтуға ықпал етеді, бұл Қазақстанның мемлекеттік қағаздар нарығына Clearstream жүйесі арқылы қол жеткізуді қамтамасыз ету жөніндегі жобаны іске қосуға байланысты ерекше өзекті болады.
«Т+1-ге өту екінші деңгейдегі банктердегі өтімділікті болжау жүйесін жетілдіруді ынталандырады, бұл валюта нарығындағы да, ақша нарығындағы да құбылмалылықты болдырмауға мүмкіндік береді», – деп түсіндірілген хабарламада.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе